Ganesh Molugoori

About

గణేష్ మొలుగూరి రచయితగా తన ప్రయాణాన్ని కొనసాగిస్తున్నారు. కథలు, నవలలు రాయడంపై ఆసక్తితో ఇప్పటికే “ప్రేమ... జీవితాంతం మోసిన ఒక వ్యక్తి కథ”, “Digital Love” అనే పుస్తకాలను పాఠకుల ముందుకు తీసుకొచ్చారు. ప్రస్తుతం “ప్రేమంటే ఏంటి? నీ దృష్టిలో...” అనే మరో నవల రిలీస్ చేయడానికి సిద్దంగా ఉన్నారు. గణేష్ రచనల్లో ఒక ప్రత్యేకమైన ఆలోచన కనిపిస్తుంది. ఒకే రకమైన కథలు రాయడం లేదా ఒకే genreకి పరిమితం కావడం ఆయనకు ఇష్టం లేదు. కథ ఏది అడుగుతుందో, దానికి తగ్గట్టుగా కొత్త ప్రపంచాన్ని, కొత్త పాత్రలను సృష్టిస్తూ విభిన్న రకాల కథలు చెప్పాలనేది ఆయన లక్ష్యం. కథ చెప్పే విషయంలో ఆయనకు చాలా స్పష్టమైన నమ్మకం ఉంది - కథలో రచయిత కనిపించకూడదు, పాత్రలు మాత్రమే కనిపించాలి. రచయిత తన అభిప్రాయాన్ని ప్రేక్షకుడిపై లేదా పాఠకుడిపై రుద్దడం కంటే, పాత్రలను వాటి స్వభావానికి అనుగుణంగా నడిపించడం ముఖ్యం అని ఆయన భావిస్తారు. అందుకే కథను తన గురించి చెప్పుకునే సాధనంగా కాకుండా, పాత్రల జీవితాన్ని చెప్పే అవకాశంగా చూస్తారు. రచన ఆయనకు ఒక గమ్యం మాత్రమే కాదు. దాని వెనుక మరో పెద్ద కల ఉంది. దర్శకత్వం ఆయన ultimate goal. కథను రాయడం నుంచి దాన్ని screenplayగా ఆలోచించడం, పాత్రలను నిర్మించడం, సన్నివేశాలను ఊహించడం, చివరికి ఆ కథను తెరపైకి తీసుకురావడం వరకు తన ప్రయాణాన్ని కొనసాగించాలని ఆయన కోరుకుంటున్నారు. విభిన్న కథలు రాస్తూ, కథకు తనకంటే ఎక్కువ ప్రాధాన్యత ఇస్తూ, ఒకరోజు ఆ కథలను సినిమాగా చెప్పాలనే లక్ష్యంతో ముందుకు సాగుతున్న రచయిత - గణేష్ మొలుగూరి.